Bhanu Pratap Thakur and Manvir Brar Direct of Movie “Lekh”

Bhanu Pratap Thakur and Manvir Brar Going To Direct Movie “Lekh”

ਕਿਸੇ ਦੇ ਲੇਖਾਂ ਵਿੱਚ ਕੀ ਲਿਖਿਆ ਹੈ ਕੋਈ ਨਹੀਂ ਜਾਣਦਾ| ਸਭ ਦਾ ਲੇਖਾ ਜੋਖਾ ਉੱਪਰ ਵਾਲੇ ਦੇ ਹੱਥ ਹੈ| ਜੋ ਲੇਖ ਕਿਸਮਤ ਵਿੱਚ ਲਿਖ ਦਿੱਤੇ ਜਾਂਦੇ ਹਨ ਬੰਦਾ ਸਾਰੀ ਜ਼ਿੰਦਗੀ ਓਹੀ ਕੁਝ ਹੰਢਾਉਂਦਾ ਹੈ| ਤੁਸੀਂ ਸੋਚ ਰਹੇ ਹੋਵੋਂਗੇ ਕਿ ਆਹ ਲੇਖਾਂ ਦੀ, ਕਿਸਮਤ ਦੀ ਗੱਲ ਕਿਓਂ ਹੋਣ ਲੱਗ ਪਈ!!! ਕਿਓਂਕਿ ਗੱਲ ਹੀ ਕੁਝ ਐਸੀ ਹੈ ਕਿ ਇੱਕ ਫਿਲਮ ਦਾ ਪੋਸਟਰ ਜਾਰੀ ਕੀਤਾ ਗਿਆ ਹੈ ਜਿਸਦਾ ਨਾਮ ਹੈ “ਲੇਖ”| ਜਿਨ੍ਹਾਂ ਸੰਜੀਦਾ ਫਿਲਮ ਦਾ ਨਾਮ ਹੈ ਓਨੀ ਹੀ ਸੰਜੀਦਾ ਫਿਲਮ ਦੀ ਟੀਮ ਹੈ|

Gurnam Bhullar ਅਤੇ Tania ਫਿਲਮ ਵਿੱਚ ਆਪਣੇ ਲੇਖਾਂ ਦੀ ਗੱਲ ਕਰਦੇ ਨਜ਼ਰ ਆਉਣਗੇ| ਫਿਲਮ ਦੇ ਲੇਖਾਂ ਦਾ ਤਾਣਾ ਬਾਣਾ ਬੁਣਿਆ ਹੈ Jagdeep Sidhu ਨੇ| Jagdeep Sidhu ਓਹਨਾ ਦੇ ਨਾਮ ਅੱਗੇ ਪਿੱਛੇ ਕੁਝ ਲਗਾਉਣ ਦੀ ਲੋੜ ਹੀ ਮਹਿਸੂਸ ਨਹੀਂ ਹੁੰਦੀ| ਓਹਨਾ ਨੇ ਆਪਣੇ ਕੰਮ ਨਾਲ ਪਛਾਣ ਹੀ ਏਨੀ ਕੁ ਖੱਟ ਲਈ ਹੈ| ਉਂਜ ਵੀ ਏਦਾਂ ਦੇ ਨਾਮ ਵਾਲੀ ਫਿਲਮ ਨੂੰ Jagdeep Sidhu ਵਰਗਾ ਕਹਾਣੀਕਾਰ ਹੀ ਸਿਰਜ ਸਕਦਾ ਹੈ|
ਜਗਦੀਪ ਸਿੱਧੂ ਦੀ ਇੱਕ ਹੋਰ ਖਾਸੀਅਤ ਇਹ ਹੈ ਕਿ ਆਪਣੇ ਨਾਲ ਲੱਗ ਕੇ ਕੰਮ ਕਰਨ ਵਾਲਿਆਂ ਨੂੰ ਵੀ ਉਹ ਇੱਕ ਮੁਕਾਮ ਤੇ ਲੈ ਜਾਂਦੇ ਹਨ| Bhanu Pratap Thakur ਅਤੇ Manvir Brar ਦੋ ਅਜਿਹੇ ਨਾਮ ਹਨ ਜਿਨ੍ਹਾਂ ਨੇ ਕਾਫੀ ਸਮੇਂ ਤੋਂ ਜਗਦੀਪ ਸਿੱਧੂ ਨਾਲ ਸਹਾਇਕ ਨਿਰਦੇਸ਼ਕ ਦੇ ਤੌਰ ਤੇ ਕੰਮ ਕਰਿਆ ਹੈ| ਅਤੇ ਹੁਣ ਉਹ ਆਪ “Lekh” ਫਿਲਮ ਦਾ ਨਿਰਦੇਸ਼ਨ ਕਰਨ ਜਾ ਰਹੇ ਹਨ|

Jagdeep Sidhu and His Team Including Bhanu Pratap Thakur, Manvir Brar and Others.

Bhanu Pratap Thakur ਨੇ ਆਪਣਾ ਫ਼ਿਲਮੀ ਕਰੀਅਰ 2015 ਵਿੱਚ ਫੀਸ ਨਾਮ ਦੀ ਸ਼ੋਰਟ ਫ਼ਿਲਮਾਂ ਤੋਂ ਸ਼ੁਰੂ ਕਰਿਆ| ਇਸੇ ਕੜੀ ਵਿੱਚ ਵੱਧਦੇ ਹੋਏ ਨਿੱਕਾ ਜ਼ੈਲਦਾਰ 1, 2, ਕਿਰਦਾਰ, ਬਾਈਲਾਰਸ, ਸੂਬੇਦਾਰ ਜੋਗਿੰਦਰ ਸਿੰਘ, ਮਰ ਗਏ ਓਏ ਲੋਕੋ, ਕਿਸਮਤ, ਛੜਾ, ਸੁਫਨਾ ਫ਼ਿਲਮਾਂ ਵਿੱਚ ਸਹਾਇਕ ਨਿਰਦੇਸ਼ਕ ਦੇ ਤੌਰ ਤੇ ਵੱਖ ਵੱਖ ਨਿਰਦੇਸ਼ਕਾਂ ਨਾਲ ਕੰਮ ਕੀਤਾ| ਉਸਨੇ ਕੁਝ ਫ਼ਿਲਮਾਂ ਐਸੋਸੀਏਟ ਨਿਰਦੇਸ਼ਕ ਦੇ ਤੌਰ ਤੇ ਕੀਤੀਆਂ ਜਿਵੇਂ ਮੈਰਿਜ ਪੈਲੇਸ, ਮੁੰਡਾ ਹੀ ਚਾਹੀਦਾ, ਸੁਰਖੀ ਬਿੰਦੀ ਅਤੇ ਆਉਣ ਵਾਲੀ ਫਿਲਮ ਸੁਹਰਿਆਂ ਦਾ ਪਿੰਡ ਆ ਗਿਆ|

Manvir Brar ਨੇ ਵੀ ਆਪਣਾ ਫ਼ਿਲਮੀ ਕਰਿਅਰ ਸ਼ੋਰਟ ਫਿਲਮ ਤੋਂ ਹੀ ਸ਼ੁਰੂ ਕੀਤਾ ਸੀ| ਫੇਰ ਛੜਾ, ਜੁਗਨੀ ਯਾਰਾਂ ਦੀ, ਸੁਰਖੀ ਬਿੰਦੀ ਅਤੇ ਸੁਫਨਾ ਫ਼ਿਲਮਾਂ ਉਸਨੇ ਸਹਾਇਕ ਨਿਰਦੇਸ਼ਕ ਦੇ ਤੌਰ ਤੇ ਕੀਤੀਆਂ| ਭਾਨੁ ਅਤੇ ਮਨਵੀਰ ਦੀ ਜੋੜੀ ਹੁਣ ਆਪਣੇ ਲੇਖ ਅਜ਼ਮਾਉਣ ਜਾ ਰਹੀ ਹੈ ਲੇਖ ਫਿਲਮ ਨਾਲ|
ਫਿਲਮ ਦਾ ਸ਼ੂਟ ਜਲਦੀ ਹੀ ਸ਼ੁਰੂ ਕੀਤਾ ਜਾਵੇਗਾ|