ਪੰਜਾਬੀ ਫਿਲਮ ਜਗਤ ਦਾ ਸੱਭ ਤੋਂ ਮਹਿੰਗਾ ਗੀਤ ਮੁੰਬਈ ਵਿੱਚ ਹੋਇਆ ਸ਼ੂਟ….
ਪੰਜਾਬੀ ਸਿਨੇਮਾ ਦੇ ਦਿਨੋ ਦਿਨ ਅੱਗੇ ਵਧਣ ਕਾਰਨ ਹੁਣ ਇਥੇ ਨਵੇਂ ਨਵੇਂ ਤਜ਼ਰਬੇ ਹੋਣ ਲੱਗੇ ਹਨ| ਇਹਨਾਂ ਦਿਨੀ ਹੀ ਪੰਜਾਬੀ ਫਿਲਮ ਜਗਤ ਦਾ ਸੱਭ ਤੋਂ ਮਹਿੰਗੇ ਬਜਟ ਦਾ ਗੀਤ ਮੁੰਬਈ ਵਿਖੇ ਸ਼ੂਟ ਕੀਤਾ ਗਿਆ| ਸਿਰਫ ਤੇ ਸਿਰਫ ਗੀਤ ਦਾ ਬਜਟ ਹੀ ਇੱਕ ਕਰੋੜ ਤੋਂ ਉੱਪਰ ਹੈ| ਆਉਣ ਵਾਲੀ ਫਿਲਮ “ਤੇਰੀ ਮੇਰੀ ਜੋੜੀ” ਦਾ ਇਹ ਗੀਤ ਚਰਚਿਤ ਕਲਾਕਾਰ ਸਿੱਧੂ ਮੂਸੇਵਾਲਾ ਅਤੇ ਬਾਲੀਵੁੱਡ ਕਲਾਕਾਰ ਸ਼ਕਤੀ ਕਪੂਰ ਉੱਪਰ ਫਿਲਮਾਇਆ ਗਿਆ| ਨਿਰਦੇਸ਼ਕ ਆਦਿਤਿਆ ਸੂਦ ਕਾਫੀ ਲੰਮੇ ਸਮੇਂ ਬਾਅਦ ਫ਼ਿਲਮੀ ਪਾਰੀ ਦੀ ਸ਼ੁਰੂਆਤ ਕਰਨ ਜਾ ਰਹੇ ਹਨ ਅਤੇ ਉਹ ਕੋਈ ਕਮੀ ਨਹੀਂ ਰਹਿਣ ਦੇਣਾ ਚਾਹੁੰਦੇ|
ਚਲਦੇ ਗਾਣੇ ਦੀ ਕੁਝ ਤਸਵੀਰਾਂ ਜਾਰੀ ਕੀਤੀਆਂ ਗਈਆਂ ਜਿਹਨਾਂ ਤੋਂ ਪਤਾ ਲਗਦਾ ਹੈ ਕਿ ਸਿੱਧੂ ਮੂਸੇਵਾਲਾ ਨੂੰ ਇੱਕ ਡਾਕੂ ਦਾ ਪਹਿਰਾਵਾ ਦਿੱਤਾ ਗਿਆ ਹੈ ਅਤੇ ਸ਼ਕਤੀ ਕਪੂਰ ਨੂੰ ਇੱਕ ਪੁਲਿਸ ਵਾਲੇ ਦਾ| ਸਾਰਾ ਮਾਮਲਾ ਕਿ ਹੈ ਇਹ ਤਾਂ 28 ਜੂਨ ਨੂੰ ਜਦ ਫਿਲਮ ਰਿਲੀਜ਼ ਹੋਵੇਗੀ ਤਦ ਹੀ ਪਤਾ ਲੱਗੂਗਾ|
ਗਾਣੇ ਦੇ ਸ਼ੂਟ ਮੌਕੇ ਤੇ ਫਿਲਮ ਦੇ ਨਿਰਦੇਸ਼ਕ ਆਦਿਤਿਆ ਸੂਦ, ਸਿੱਧੂ ਮੂਸੇਵਾਲਾ, ਸ਼ਕਤੀ ਕਪੂਰ, ਪੰਜਾਬੀ ਮੀਡੀਆ ਤੋਂ ਸਪਨ ਮਨਚੰਦਾ ਅਤੇ ਫਿਲਮ ਨਾਲ ਜੁੜੀਆਂ ਕਈ ਸ਼ਖਸੀਅਤਾਂ ਮੌਜੂਦ ਸਨ|
