Every Married Man Can Relate Himself as “Naukar” Vahuti da
ਬਿੰਨੂ ਢਿੱਲੋਂ ਦੀ ਬਹੁ ਚਰਚਿਤ ਫਿਲਮ “ਨੌਕਰ ਵਹੁਟੀ ਦਾ” ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਗਿਆ ਹੈ ਅਤੇ ਦਰਸ਼ਕਾਂ ਵੱਲੋਂ ਪਸੰਦ ਵੀ ਕੀਤਾ ਜਾ ਰਿਹਾ ਹੈ| ਬਿੰਨੂ ਢਿੱਲੋਂ ਦੀਆਂ ਫ਼ਿਲਮਾਂ ਪਰਿਵਾਰਿਕ ਮਾਹੌਲ ਨੂੰ ਧਿਆਨ ਵਿੱਚ ਰੱਖ ਕੇ ਬਣਾਈਆਂ ਜਾਂਦੀਆਂ ਹਨ ਅਤੇ ਹਰ ਫਿਲਮ ਵਿੱਚ ਉਹ ਕੋਈ ਵੱਖਰਾ ਕਿਰਦਾਰ ਨਿਭਾਉਂਦੇ ਨਜ਼ਰ ਆਉਂਦੇ ਹਨ| ਇਸ ਵਾਰ ਉਹ ਬਣੇ ਹਨ “ਨੌਕਰ” ਨਹੀਂ ਨਹੀਂ ਇਹ ਕੋਈ ਆਮ ਨੌਕਰ ਨਹੀਂ ਇਹ ਨੌਕਰ ਹੈ ਆਪਣੀ “ਵਹੁਟੀ” ਦਾ| ਵੈਸੇ ਤਾਂ ਸਾਰਾ ਜ਼ਮਾਨਾ ਹੀ ਆਪਣੀ ਆਪਣੀ ਵਹੁਟੀ ਦਾ ਨੌਕਰ ਹੁੰਦਾ ਹੈ ਪਰ ਇਸ ਨੌਕਰ ਦੀ ਗੱਲ ਕੁਝ ਖਾਸ ਹੈ|
ਫਿਲਮ ਨੂੰ 23 ਅਗਸਤ ਨੂੰ ਓਮਜੀ ਗਰੁੱਪ ਵੱਲੋਂ ਸਾਰੀ ਦੁਨੀਆ ਵਿੱਚ ਰਿਲੀਜ਼ ਕੀਤਾ ਜਾਵੇਗਾ| ਫਿਲਮ ਵਿੱਚ ਆਪਣੇ ਫਨ ਦੇ ਮਾਹਿਰ ਕਲਾਕਾਰ ਜਿਵੇਂ ਕੁਲਰਾਜ ਰੰਧਾਵਾ, ਗੁਰਪ੍ਰੀਤ ਘੁੱਗੀ, ਜਸਵਿੰਦਰ ਭੱਲਾ, ਉਪਾਸਨਾ ਸਿੰਘ ਆਦਿ| ਫਿਲਮ ਵਿੱਚ ਦੇਵ ਖਰੌੜ ਵੀ ਇੱਕ ਕਿਰਦਾਰ ਵਿੱਚ ਦਿਖਣਗੇ| ਸਮੀਪ ਕੰਗ ਅਤੇ ਬਿੰਨੂ ਢਿੱਲੋਂ ਦੀ ਜੋੜੀ ਨੂੰ ਦਰਸ਼ਕਾਂ ਨੇ ਹਮੇਸ਼ਾ ਬਹੁਤ ਪਸੰਦ ਕੀਤਾ ਹੈ| ਇਸ ਵਾਰ ਤਾਂ ਓਹਨਾ ਦੀ ਫਿਲਮ ਦਾ ਵਿਸ਼ਾ ਹੀ ਇਦਾਂ ਦਾ ਹੈ ਕਿ ਹਰ ਇੱਕ ਸ਼ਾਦੀ ਸ਼ੁਦਾ ਬੰਦਾ ਆਪਣੇ ਆਪ ਨੂੰ ਜੋੜ ਸਕਦਾ ਹੈ|